ISHAMI RY’UBUHINZI, N’UMUTUNGO KAMERE – INCAMAKE NA SERIVISI ZITANGWA
Ishami ry’Ubuhinzi, Ubworozi n’Umutungo Kamere mu Karere ka Nyamasheke rifite uruhare rukomeye mu guteza imbere ubuhinzi burambye, ubworozi n’imicungire myiza y’umutungo kamere. Rihuza igenamigambi, ishyirwa mu bikorwa no gukurikirana ibikorwa by’uru rwego hubahirizwa politiki za Leta n’ibyemezo by’Akarere.
Serivisi zitangwa
1. Igenamigambi, Ihuzabikorwa n’Ikurikirana ry’Imikorere
- Guhuza igenamigambi, gushaka inkunga, ishyirwa mu bikorwa, gukurikirana, gusuzuma no gutanga raporo ku bikorwa by’ubuhinzi, ubworozi n’umutungo kamere ku rwego rw’Akarere n’Imirenge.
- Guteza imbere uburyo bwo gucunga ubumenyi hagamijwe kunoza imikorere.
2. Gushyira mu bikorwa Politiki n’Ingamba
- Guhuza itegurwa no gukurikirana ishyirwa mu bikorwa ry’ingamba zishyira mu bikorwa politiki za Leta n’ibyemezo by’Inama Njyanama mu bijyanye n’ubuhinzi, ubworozi n’umutungo kamere.
3. Ubukangurambaga ku Ikoranabuhanga rigezweho
- Gutegura ubukangurambaga bugamije guteza imbere ikoreshwa ry’uburyo bugezweho mu buhinzi, ubworozi no mu micungire y’umutungo kamere.
4. Kurwanya Indwara n’Isoko ry’Ibikomoka ku Buhinzi
- Guhuza igenzura n’ikorwa ry’ibikorwa byo kurwanya indwara z’ibimera n’amatungo ku rwego rw’Imirenge.
- Gufasha abahinzi kubona amasoko y’umusaruro wabo.
5. Ubujyanama n’Ihuzabikorwa
- Gutanga inama ku buyobozi bw’Akarere ku bijyanye n’ubuhinzi, ubworozi n’imicungire y’umutungo kamere.
- Kwitabira no gutanga umusanzu muri Komite y’Ihuza ry’Ibikorwa ku rwego rw’Akarere (District Technical Coordination Committee).